Psa 9 | ZomZIV | STEP | Tum theih makaipa ading. “Tapa Sihna aw a tum ding” David phatna-la khat. TOPA aw, ka lungsim khempeuhin nang kong phat dinga; nangma nalamdangte khempeuh ka genkhia ding hi.

uHiggaion.

w Selah

x Job 8:13

z Ms 16:30

aeSelah

Psalms 9

Tum theih makaipa ading. “Tapa Sihna aw a tum ding” David phatna-la khat.

1 TOPA aw, ka lungsim khempeuhin nang kong phat dinga; ^a
nangma nalamdangte khempeuh ka genkhia ding hi. ^b
2 Nang sungah nuamin ka kipak dinga; ^c
na min phatna ka sa ding hi, Sang Penpa aw.
3 Ka galte nungkik uh a;
nangma mai-ah muktu in a kisia uh hi.
4 Ahang in, ka thuneihna le ka thu na lenkip a;
na kumpi tokhom ah tu-in thumaanin thu na khen hi. ^d
5 Minamte na taihilh a, migilote susia-in; ^e
a tawntunga manden dingin a min uh na phiatkhia hi.
6 A mong nei lo kisiatna in galte pha a,
amau khuapite na kibulkalh hi; ^f
amaute mualsuangte nangawn a kisia mang ta hi. ^g
7 TOPA in a mang tawntung hi;
amah in thukhen nadingin ama tokhom phutkip zo hi.
8 Amah in thumaanin leitung thu khen dinga; ^h
thutangin mite a uk ding hi. ⁱ
9 A kinuainette bukna TOPA hi-a, ^j
lungkham huna dingin kulhpi ahi hi. ^k
10 TOPA aw, nang in nang hong zongte taisan ngei lo na hi manin, ^l
na min hong theite in nang hong muang ding uh hi. ^m
11 Zion kumpi tokhom a tu TOPA phatnate sa un; ⁿ
minamte lakah ama sepsate tangko un. ^o
12 Ahang in, sisan phulapa in phawk a, ^p
a thuaksiate kahna a kiphawkmawhbawl kei hi. ^q
13 TOPA aw, ka galte hong bawlsiat zia mu in!
Hong lainat inla sihna kongpite panin kei hong laamto in;
14 tua hileh Zion Tanu kongpite ah ^r
nangma phatnate ka pulak thei dinga ^s
tua lai-ah nangma hotkhiatna nuam ka sa ding hi. ^t
15 Minamte, amau tawhsa gum sungah kia khin uh a;
amau siahsim lenthang ah a khe uh a awk khin hi.
16 Ama thutang hangin TOPA kithei khin a;
migilote amau bawlsa thangah a awk uh hi. ^{u
,} ^{▼▼ 16 Ahikeh ngaihsutna; tumtheih ciaptehna hi thei
,} ^w
17 Pasian a mangngilh a gilo minamte khempeuh ^x
hankhuk ^{▼▼ 17 Hebrew ah Sheol} ah a ciah uh hi. ^z
18 Ahi zongin a tasamte kimangngilh suak lo dinga,
gimthuakte lametna zong a sia suak ngei kei ding hi. ^aa
19 TOPA aw, tho inla mihing gualzosak kei in; ^ab
nangma mai-ah minamte thu kikhen hen. ^ac
20 Amaute lausak in, TOPA aw; ^ad
amaute mihing lel ahina minamte theisak in. ^ae